Bank of Baroda પર Cyberattack: કર્મચારીનું E-mail Hack થતાં ગ્રાહકોનો ડેટા લીક થવાનો દાવો

Bank of Baroda પર Cyberattack બાદ કર્મચારીનું E-mail Account Hack થયું હોવાની માહિતી સામે આવી છે. બેંકે Core Banking System સુરક્ષિત હોવાનું જણાવ્યું, જ્યારે Dark Web પર ગ્રાહકોનો ડેટા લીક થવાનો દાવો થયો છે.

દેશની સરકારી બેંક Bank of Baroda (BoB) પર મોટા Cyberattackની ઘટના સામે આવી છે. બેંકના એક કર્મચારીનું E-mail Account હેક થતાં કેટલાક ડેટા સુધી અનધિકૃત રીતે પહોંચ મેળવવામાં આવી હોવાનું બેંકે સ્વીકાર્યું છે. જોકે, બેંકે સ્પષ્ટ કર્યું છે કે તેનું Core Banking System સંપૂર્ણપણે સુરક્ષિત છે અને ગ્રાહકોના ખાતાઓના સંચાલન પર કોઈ અસર થઈ નથી.

આ ઘટનાની જાણ થતાં જ બેંકે તાત્કાલિક સુરક્ષા પગલાં લીધા છે અને સમગ્ર મામલે Forensic Investigation શરૂ કરવામાં આવી છે.

Dark Web પર 1TB ડેટા લીક થવાનો દાવો

કેટલાક અહેવાલો અનુસાર Dark Web પર લગભગ 1TB Data Leak થયો હોવાનો દાવો કરવામાં આવ્યો છે. આ ડેટામાં ગ્રાહકોના Savings Account, Current Account, Loan Account, Net Banking Users, NRI Accounts, Corporate Banking Records તેમજ શાખા અને ATM સંબંધિત માહિતી હોવાનો દાવો કરવામાં આવ્યો છે.

Ransomware.live નામના Dark Web Monitoring Platform પર 24 જુલાઈના રોજ પ્રકાશિત થયેલી માહિતીમાં જણાવાયું છે કે 1 લાખથી 3 લાખ સુધીના ગ્રાહકોના Account Opening Application Forms, ફોટોગ્રાફ્સ અને ઓળખના દસ્તાવેજો પણ આ ડેટામાં સામેલ હોઈ શકે છે. જોકે, આ દાવાની સ્વતંત્ર રીતે પુષ્ટિ થઈ નથી.

Bank of Barodaએ શું કહ્યું?

Bank of Barodaએ પોતાના સત્તાવાર નિવેદનમાં જણાવ્યું છે કે ઘટના માત્ર એક કર્મચારીના E-mail Account Compromise સુધી મર્યાદિત હતી. આ કારણે અમુક માહિતી સુધી અનધિકૃત રીતે પહોંચ થઈ હતી.

બેંકના જણાવ્યા મુજબ ઘટના ઝડપથી ઓળખી લેવામાં આવી હતી અને તરત જ Containment Measures અમલમાં મૂકવામાં આવ્યા હતા. સાથે જ બેંકે ભારપૂર્વક જણાવ્યું છે કે તેના Core Banking Systemsમાં કોઈ ઘૂસણખોરી થઈ નથી અને ગ્રાહકોના બેંકિંગ વ્યવહારો સુરક્ષિત છે.

બેંકે વધુમાં જણાવ્યું કે તે સંબંધિત નિયમનકારી સંસ્થાઓ સાથે મળીને તપાસમાં સહયોગ આપી રહી છે અને માહિતી સુરક્ષા માટેના તમામ જરૂરી પ્રોટોકોલનું પાલન કરવામાં આવી રહ્યું છે.

TripleX Hacking Group પર શંકા

હાલ સુધી કોઈ હેકિંગ ગ્રુપે સત્તાવાર રીતે આ હુમલાની જવાબદારી સ્વીકારી નથી. જોકે, કેટલાક મીડિયા અહેવાલોમાં TripleX Hacking Group દ્વારા આ ડેટા ઓનલાઈન જાહેર કરવામાં આવ્યો હોવાનો દાવો કરવામાં આવ્યો છે. આ અંગે પણ હજુ સુધી સ્વતંત્ર પુષ્ટિ થઈ નથી.

અગાઉ પણ બેંકો બન્યા હતા Cyberattackનો ભોગ

ભારતમાં અગાઉ પણ અનેક બેંકોમાં ડેટા સુરક્ષાને લગતી ઘટનાઓ સામે આવી ચૂકી છે.

આ વર્ષે Yes Bank અને BookMyForex સાથે જોડાયેલા લગભગ 5,000 ગ્રાહકોના Forex Card પર છેતરપિંડીના ટ્રાન્ઝેક્શન નોંધાયા હતા.

2024માં ICICI Bankએ લગભગ 17,000 નવા Credit Cards ખોટા ગ્રાહકોના Digital Profile સાથે જોડાઈ જવાની ટેકનિકલ ખામી સ્વીકારી હતી.

તે પહેલાં 2016માં Yes Bank, SBI, ICICI Bank, HDFC Bank અને Axis Bank સહિત અનેક બેંકોના લાખો Debit Cardનો ડેટા Malware હુમલા દરમિયાન ચોરાઈ ગયો હતો.

ગ્રાહકોએ શું કરવું?

હાલમાં Bank of Barodaએ ગ્રાહકોના ખાતા અથવા Core Banking System પર કોઈ અસર થઈ નથી તેવું જણાવ્યું છે. તેમ છતાં ગ્રાહકોએ સાવચેતી રાખવી જરૂરી છે. કોઈ અજાણી Link પર ક્લિક ન કરવી, OTP અથવા Password કોઈની સાથે શેર ન કરવો અને બેંક એકાઉન્ટના ટ્રાન્ઝેક્શન પર નિયમિત નજર રાખવી યોગ્ય રહેશે.