શાળાની શિક્ષિકાની હત્યા બાદ લાશ ટોયલેટની ટાંકીમાંથી મળી, દિવાલમાં સિંધ કાપીને ઘરમાં ઘૂસ્યા હતા હુમલાખોર

બાંગ્લાદેશના Pabna જિલ્લાના Atgharia Upazila વિસ્તારમાં એક હચમચાવી દેનારી ઘટના સામે આવી છે. અહીં 45 વર્ષીય શાળાની શિક્ષિકા ગીતા રાણીની હત્યા કર્યા બાદ તેમની લાશ ઘર પાસે આવેલી ટોયલેટની ટાંકીમાંથી મળી આવી હતી. પ્રાથમિક તપાસ મુજબ અજાણ્યા હુમલાખોરોએ દિવાલમાં સિંધ કાપીને ઘરમાં પ્રવેશ કર્યો હતો અને વિરોધ કરતાં શિક્ષિકાની ગળું દબાવી હત્યા કરી હોવાનું માનવામાં આવી રહ્યું છે.

આ ઘટના ગુરુવારે સવારે સામે આવતા સમગ્ર વિસ્તારમાં ભારે ચકચાર મચી ગઈ છે. પોલીસ હાલ સમગ્ર મામલે Murder Investigation હાથ ધરી આગળની કાર્યવાહી કરી રહી છે.

રાત્રે ઘરમાં ઘૂસ્યા, વિરોધ કરતાં હત્યા કરી હોવાની આશંકા

મળતી માહિતી અનુસાર ગીતા રાણી પાબના જિલ્લાના એકદંત બરઈપારા ગામમાં પરિવાર સાથે રહેતા હતા અને તેઓ ચાચકિયા BRAC Schoolમાં શિક્ષિકા તરીકે ફરજ બજાવતા હતા.

સ્થાનિક લોકોના જણાવ્યા પ્રમાણે મોડી રાત્રે અંદાજે 3 વાગ્યે કેટલાક દુષ્કર્મીઓએ ઘરની દિવાલમાં સિંધ કાપીને અંદર પ્રવેશ કર્યો હતો. આ દરમિયાન ગીતા રાણીને ઘટનાની જાણ થતાં તેમણે વિરોધ કર્યો હતો. ત્યારબાદ હુમલાખોરો સાથે ઝપાઝપી થઈ હતી અને અંતે તેમની ગળું દબાવી હત્યા કરવામાં આવી હોવાની પ્રાથમિક આશંકા વ્યક્ત કરવામાં આવી રહી છે.

હત્યા બાદ આરોપીઓએ પુરાવા છુપાવવા માટે મૃતદેહને ઘર પાસેના બંધ પડેલા ટોયલેટની ટાંકીમાં ફેંકી દીધો હોવાનું પોલીસ માની રહી છે.

સવારે શોધખોળ દરમિયાન મળી લાશ

સવારે ગીતા રાણી ઘરમાં ન દેખાતા પરિવારજનો અને સ્થાનિક લોકોએ તેમની શોધખોળ શરૂ કરી હતી. ત્યારબાદ લગભગ 11 વાગ્યે ઘર નજીક આવેલા ટોયલેટની ટાંકીમાં તેમનો મૃતદેહ જોવા મળ્યો હતો. ઘટનાની જાણ થતાં પોલીસ તાત્કાલિક સ્થળ પર પહોંચી હતી અને મૃતદેહને કબજે લઈ આગળની કાર્યવાહી હાથ ધરી હતી.

પોલીસ શું કહી રહી છે?

Atgharia Police Stationના અધિકારીઓએ જણાવ્યું છે કે મૃતદેહને પોસ્ટમોર્ટમ માટે પાબના જનરલ હોસ્પિટલ મોકલવાની પ્રક્રિયા હાથ ધરવામાં આવી રહી છે. હત્યા કોણે અને કયા કારણસર કરી તે હજુ સ્પષ્ટ થયું નથી. તમામ પાસાઓને ધ્યાનમાં રાખીને તપાસ ચાલી રહી છે અને આરોપીઓને શોધવાના પ્રયાસો શરૂ કરવામાં આવ્યા છે.